Мамандандырылған ХҚКО қабылдауына қалай жазылады

Карантин кезінде қайта ашылған орталықтар тек алдын ала жазылғандарды қабылдайды. Kolesa.kz кезекке қалай тез жазылуға болатынын түсіндіреді.

Автокөлікті қайта тіркеу үшін қабылдауға үш тәсілмен жазылуға болады:

  • 1414 нөмірі арқылы;
  • egov.kz сайты арқылы;
  • @eGovKzBot2.0 телеграм-бот арқылы.

Автокөлікті қайта тіркеу үшін сатушы өтініш береді.

1414 нөмірі арқылы өтінім беру:

Телефон арқылы өтінім беру үшін қызмет көрсетілетін тілді таңдап, оператормен байланыстыратын санды басу қажет.
Операторға орталыққа қандай мақсатпен баратыныңызды хабарлап, ЖСН-н, қала мен қызмет алғыңыз келетін мекенжайды (Алматыда бес мамандандырылған ХҚКО бар), баратын күнді және уақытын айтасыз.

Оператор деректер базасын тексеріп, қабылдау уақытын белгілейді.

Егер телефоныңыз мобильді азаматтар базасында тіркелген болса, кезекке сәтті жазылғаныңыз туралы хабарлама келеді. Болмаса, оператордан нақты уақытын біліп, мекемеге кешікпей бару қажет. Кіретін кезде телефон арқылы жазылғаныңызды хабарлайсыз.

Еgov.kz сайтында өтінім беру

Еgov.kz арқылы өтінім беру үшін автомобильші ЭЦҚ көмегімен «Танымал қызметтер» бөлімінде тіркеліп, «ХҚКО-на электронды кезекті брондау» дегенді таңдауы қажет…

Как записаться на переоформление авто в спецЦОНе

… содан соң «Онлайн сұрау» батырмасын басады.

Как записаться на переоформление авто в спецЦОНе

Өтінімді рәсімдеу бетінде:

  • ЖСН енгізіңіз;
  • Қызмет көрсетілетін аймақты, қаланы көрсетіп, «Мамандандырылған ХҚКО» дегенді таңдаңыз.
Как записаться на переоформление авто в спецЦОНе

Ашылған терезеде қаланы, орталық мекенжайын таңдау керек.

Как записаться на переоформление авто в спецЦОНе

Бару мақсатын, күні мен уақытын көрсетіңіз.

«Брондау» батырмасын басыңыз.

Содан соң жазылғаныңызды растайтын «2-қадам» бөлімі ашылады.

Бұл жағдайда да телефоныңызға мекемеге бару уақыты жазылған хабарлама келеді. Ол деректер порталдағы жеке кабинетте де пайда болуы тиіс.

Телеграм-бот арқылы өтініш беру:

Қазір бұл қызмет Алматыдан басқа өңірлердің барлығында қолжетімді. Бірақ алматылықтар да жуырда оны пайдалана алады.

Бот көмегімен кезекке тұру үшін «Телеграм» месенджерінен @Kenes1414Bot дегенді тауып, жазылу қажет.

Как записаться на переоформление авто в спецЦОНе

«Басты мәзірден» «ХҚКО-на кезекті брондау» дегенді таңдап, аты-жөніңізді, телефоныңыздың нөмірін жазып, өзіңіз тұратын аймақты таңдайсыз.

«Қызметті «Халыққа қызмет көрсету жөніндегі мамандандырылған бөлімінде (Мамандандырылған ХҚКО)» алғыңыз келеді ме?» деген сұраққа «Иә» деп жауап бересіз.

Как записаться на переоформление авто в спецЦОНе

Әрі қарай көрсетілетін қызмет түрлерінің тізімі шығады. «КҚ-н тіркеу (қайта тіркеу)» дегенді таңдап, ыңғайлы уақытты белгілейсіз.

Как записаться на переоформление авто в спецЦОНе

Телеграм-бот орталық мекенжайы, таңдалған қызмет түрі, баратын күн жазылған хабарлама жолдап, бірнеше уақыт ұсынады, солардың бірін таңдайсыз да, кезектің сәтті брондалғаны туралы хабарлама күтесіз.

Телефоныңыздың нөмірі мобильді азаматтар базасында тіркелген болса, тиісті хабарлама келеді.

Мамандандырылған ХҚКО карантин кезінде алдын ала жазылған азаматтарды ғана қабылдайды. Орталыққа барып шу шығарып, болмаса «жылпостардың» көмегіне жүгінудің қажеті жоқ. Егер кешіксеңіз, өзіңіз кінәлісіз.

Жүргізуші куәлігін алу не оны ауыстыру да жоғарыдағы тәртіпте жүзеге асады.

Іске сәт!

Комментариев: 1

Чтобы оставить комментарий, вам необходимо зарегистрироваться или авторизоваться.