Lyriq-V — ең жылдам Cadillac

Компания V-series қатарына жаңа Lyriq-V суперкроссоверін қосты. Автомобильдің жылдамдық алу көрсеткіші ірілеу Vistiq моделінің күштік құрылымының арқасында рекордтық деңгейге жетті. Бренд тапсырыс қабылдай бастады, бастапқы бағасы — 79 990 доллар (41.6 млн теңге).

Lyriq-V-дің екі электрлі моторы 624 ат күшін береді, бұл қарапайым Lyriq-тен 114 ат күшіне көп. Жаңа машина Vistiq-тен шамамен 150 кг жеңіл, сондықтан ол алғашқы жүздікті (60 мильді) 3.3 секундта еңсереді. Кроссовердің максимал жылдамдығы әзірге жарияланбады, бірақ компания трек режимі және лаунч-басқару функциясы сияқты күштік электрониканың бірнеше жұмыс режимін атап өтті.

1 / 10

• 
• 
• 
• 
• 
• 
• 
• 
• 
• 

1 / 10

Қозғалтқыштар 102 киловатттық батареядан қуат алады, онымен Lyriq-V 460 шақырым жүріп өтеді, 120 шақырымға жететін энергия қорын 10 минутта толтыруға мүмкіндік бар. Көлікті 40 минутта 80 %-ға дейін қуаттауға болады.

Шасси қайта бапталған амортизаторлармен жабдықталған, клиренсі төмендеді, ал стандарт тежеуіштің орнында Brembo тұр. 22 дюймдік арнайы дөңгелектер және Cadillac-тың Ле-Манға қатысатын болидтерінің дыбысын шығара алатын жүйе бар.

1 / 4

• 
• 
• 
• 

1 / 4

Модель аэродинамикалық бастырық, спойлер және диффузормен ерекшеленеді. Стандарт комплектацияда шатыры қара түсті. Салонда спорттық стильде әрленген орындықтары кеңінен реттеледі, өзгеше рөл және бірегей графикасы бар медиажүйе пайда болды.

Lyriq-V брендтің Теннеси штатындағы зауытында шығады, ал өндірісі 2025 жылдың басында басталады. Электромобиль АҚШ-тан бөлек Канада, Аустралия және басқа нарыққа шығады.