Екінші буындағы BYD Seagull-дың өлшемі ұлғайды

Қытай Өнеркәсіп министрлігі жаңа BYD Seagull-дың суреттері мен сипаттамасын жариялады. Бұл модель — BYD концернінің ең танымал арзан электромобильдерінің бірі.

Жаңа буынның дизайны мен шанақ пішіні өзгермегенмен, өлшемі ұлғайды. Дөңгелек базасы 150 мм, ені 90 мм, ұзындығы 425 мм ұлғайды. Өлшемдері — 4205 × 1810 × 1570 мм. Шағын хетчбэк модельдер қатарында бір саты жоғары тұрған BYD Dolphin-ге жақындады. Жаңа өнімнің салоны бұрынғыдай төрт емес, бес жолаушыға арналған.

Күштік құрылымның да қуаты артты. Электромотор 127 ат күшін береді. Қозғалтқыш литий-темір-фосфатты аккумулятордан қуат алады. Ең жоғары жылдамдығы — 150 км/сағ. Жабдықталуына қарай салмағы — 1180–1250 кг.

Жаңа Seagull арзан модель болғанына қарамастан, сыртқы камералар және қосымша лидармен жабдықталатын DiPilot 300 автономды жүргізу жүйесін алды.

Компания басқа техникалық сипаттамасы, комплектациялары мен бағасы туралы толық ақпаратты ресми премьера қарсаңында жариялайды.