Lynk&Co 07 — ұзаққа шабатын гибрид

Geely концерніне тиесілі Lynk&Co компаниясы 07 EM-P индексті жаңа седанын көрсете бастады. Атауындағы аббревиатура гибрид күштік құрылым орнатылғанын білдіреді. Компания сырт келбеті мен интерьерінің суреттерін және сипаттамасын жариялады.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Жаңа өнім CMA Evo платформасына негізделген. Өлшемі — 4827×1900×1480 мм, дөңгелек базасы — 2843 мм. Седан өлшемі жағынан Toyota Camry-ге жақын, ал ось арақашықтығы бір платформадағы кроссовермен бірдей.

Күндізгі жарық шам, капотты бойлай орналасқан көлденең арқалық және ерекше бүйірлік айна сияқты дүниелерді 08-ден алған. Автомобиль сұлбасы бірегей артқы тіреуі және жалпақ қанаты бар 2022 жылы көрсетілген Next Day концептісіне сілтеме жасайды.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Салонында 12.3 дюймдік аспаптар панелі, 15.4 дюймдік ортаңғы дисплей және үлкен тоннельге жайғасқан екі сымсыз қуаттағыш, стақан қойғыш бар. Медиажүйені смартфон өндіруші Meizu әзірледі. Lynk&Co 07 интерьерінде екі түсті қырлы рөл ғана көзге түседі.

Жаңа гибрид 163 ат күшін беретін 1.5 литрлік турбомотормен жабдықталады. Компания әзірге басқа техникалық сипаттамасын жарияламады, бірақ Қытайдағы БАҚ седан мен кроссовердің күштік құрылымы бірдей болатынын хабарлады. Базалық нұсқа алдыңғы жетекті болады және электрлі моторы 218 ат күшін (615 Нм) береді. Бренд үздік нұсқаның артқы осіне 212 ат күші бар тағы бір қозғалтқыш орнатады, сонда жалпы қуаты 593 ат күшіне (905 Нм) жетеді.

18.9 кВт⋅сағ литий-темір фосфатты батареямен жүріс қоры 102 шақырымға өседі. Lynk&Co 07 EM-P 1400 шақырым жүре алады. Гибридтің құны да, саудаға шығатын күні де әзірге белгісіз.