АВТОВАЗ Lada Largus-ты көптеп өндіреді

АВТОВАЗ Lada Largus құрастыра бастағанын хабарлады. Модельдің өндірісі Ижевск алаңына көшті, ал Тольяттидегі бос орынды жаңа модельдер толтырады. Компания биыл 50 мың «ларгус» шығармақшы. Бағасы 1 660 000 рубльден (шамамен 8 млн теңге) басталады.

Lada Largus өндірісін жаңа жерде бастау үшін құрастыру конвейерін ғана емес, престік өндірісті, шанақты дәнекерлеу және бояу желісін қайта реттеу қажет болды. Largus бес реңкте шығады.

1 / 10

• 
• 
• 
• 
• 
• 
• 
• 
• 
• 

1 / 10

Бастапқыда марка автомобильдің тек базалық Classic комплектациясын, бес орынды және коммерциялық нұсқаларын ұсынады. Фургон 10 мың рубль қымбат болады. Универсал тек 90 ат күші бар 8 клапанды қозғалтқышпен жабдықталады, мотор гаммасы кеңейетіні туралы ақпарат жоқ. Күзге қарай Ижевскідегі зауыт жеті орынды нұсқаны, 1 760 000 рубль (шамамен 8.5 млн теңге) тұратын Comfort комплектациясын құрастырады.

Тольяттиде бұрын Largus шыққан болса, енді оның орнын жаңа модельдер басады. Биыл күзде АВТОВАЗ Aura деп аталатын Lada Vesta-ның ұзын түрін, ал 2026 жылдың басында «Веста» платформасындағы жаңа кроссовер шығаруды жоспарлап отыр, оны әзірлеу жұмысы қарқынды жүріп жатыр.

Бренд өкілдері модельді экспорттау туралы тікелей ештеңе айтпады. Қазір АВТОВАЗ-дың басты мақсаты — ішкі сұранысты қанағаттандыру. 2023 жылдың аяғында компания басшысы Қазақстанды негізгі сыртқы нарықтардың бірі деген, бірақ кейін экспортты дамытудың негізгі бағыты ретінде Өзбекстан мен Тәжікстанды атады. Lada көліктерін ресми жеткізу көлемі Ресейден тыс жерде көп емес. АВТОВАЗ 2024 жылдың алғашқы үш айында шетелге 1.1 мыңға жуық автомобиль жіберген, көбі Беларуське кетті.