Латвия мен Польша Еуропадан шығысқа көлік жөнелтуді шектеді

Беларусь басылымдары хабарлағандай, 23 наурыздан бастап Польша қозғалтқыш көлемі 1.9 литрден асатын немесе құны 50 мың еуродан жоғары көліктерді шығыс бағытта, яғни Польша-Беларусь шекарасы арқылы экспорттауға тыйым салды. Польша кеденшілері экспорт декларациясын бермей, немістер берген және басқа құжаты бар техникаларды өткізбей, транзиттік нөмірі бар барлық автомобильді кері қайтарып жатыр.

Соның салдарынан көлік таситындар басқа жолмен Латвияға ағылды, бірақ 26 наурызда кешке қарай ол да жабылып қалды. Жүргізушілер мәселені шешуге тырысуда, бірақ шешім жоқ. Қазақстан, Қырғызстан үшін CMR жүкқұжаты да, басқа әдістер де жарамайды. Латыштар өткізбей жатыр деп хабарлады «Гродно» ақпараттық порталы.

Еуроодақ елдері жалған транзит үшін санкцияны күшейткені анық, өйткені ресми түрде Қазақстан тұрғындарына арналған қымбат машиналар Ресейге кетіп жатты.

Қазақстанға Германия мен ЕО-дан автомобиль импорттау көп жыл бұрын тоқтаған. QAZ Kolesa KZ-тің YouTube арнасында неміс автонарығындағы бағалар мен модельдер туралы айтқанбыз. Қазір жерлестеріміз бұл елдің коммерциялық және жүк көліктеріне ғана қызығады.