Мемлекеттік кірістер комитеті хабарлағандай, биыл қаңтар мен тамыз аралығында Қазақстанға 93.9 мың автомобиль кірген. Жеке тұлғалар мен компаниялар әкелген жаңа және ескі машиналардың жалпы құны 2 млрд доллар (954.2 млрд теңге) болды. Бұл көліктер үшін мемлекетке 260.2 млрд теңге кедендік төлемдер мен салық (ҚҚС) төленді. Бұл көрсеткіш 2022 жылдың сәйкес кезеңімен салыстырғанда 2.6 есе көп.
Мемлекеттік кірістер комитеті автомобильдің кедендік құны сатушыға төлеген соманы ғана емес, көлікті сатып алуға және оны жеткізуге кеткен шығындарды ескере отырып есептелетінін айтты. Мұндағы барлық цифрды құжат жүзінде көрсету қажет. Комитет көлік жөнелткен елдің экспорт декларациясын, автомобиль төлемінің, транспорт шығындарының инвойсын, сатып алу-сату шартын, банк аударымын растау, аукцион парақшасын және т.б. есепке алған.
Биыл жаңа автомобиль нарығы жақсы нәтиже көрсетіп жатыр. Сегіз айда елдегі автосалондар 120 322 жаңа машина сатты, бұл былтырғы нәтижеден 60.5 % жоғары.
Комментариев: 0