Былтыр АВТОВАЗ Ижевскідегі мамандар құрастырып жатқан Lada Vesta топтамасын Тольяттиге көшіретінін хабарлаған соң Удмуртиядағы бөлімшенің болашағы бұлыңғыр тартқандай көрініп еді, оның үстіне онда қызмет еткендерді жаппай жұмыстан шығарды.
Енді қайта маман іздеуге тура келетін сияқты, өйткені алпауыт компания басшылары Lada Largus фургоны мен универсалын Удмуртиядағы алаңда құрастыру туралы шешім қабылдады деп жазды Drom.ru. «Ларгустардың» соңғы легін (635 машина) Тольяттидегі зауыт биыл тамыздың аяғына дейін конвейерден түсіреді. Жоспар бойынша көшу жұмыстары келер жылдың екінші тоқсанында аяқталуға тиіс. Электрлі e-Largus та сол жерде жасалады.
Renault — Nissan платформасындағы жеңіл көліктер шығарған B0 конвейер желісіне келер болсақ, 2024 жылдан бастап кәсіпорын оны Iskra модельдерін құрастыру үшін қолданады
Комментариев: 0