Жаңа Hyundai Palisade видеоға түсіп қалды

Кәріс энтузиастары жаңа Hyundai Palisade-тың прототипін тұрақтан іздеп тауып, толықтай видеоға түсіріп алды. Камуфляжға қарамастан болашақ танымал модель туралы қорытынды жасауға болады.

1 / 7

• 
• 
• 
• 
• 
• 
• 

1 / 7

Кроссовер бұрынғыдан қырлана түсетіні анық. Palisade-тың сырт келбеті қазіргі Santa Fe стилінде жасалады. Фарасы мен артқы шамы тік, радиатор торы жалпақ, ал қанатында қатпарлар болады.

1 / 3

• 
• 
• 

1 / 3

Тыңшылар прототиптің салонын да қарап шықты. Алдыңғы панелін қалың матамен жауып қойыпты, бірақ бұрын желіде екі экраны бар үлкен планшеттің суреттері жарияланған. Видеода есік карталары, әрлеу элементтері және артқы жолаушыларға арналған климат басқару пульті көрінеді. Бейнероликтегі экземпляр серияға шығатын дайын нұсқа сияқты.

Алдын ала мәлімет бойынша модельдің көлемі ұлғаяды, дөңгелек базасы да ұзарып, екінші және үшінші қатардағы жолаушылар орны кеңейеді. Мотор гаммасында дизель және бензинді V6 болмайды. Олардың орнын шағын турбомотор мен гибрид күштік құрылым басады. Бренд жаңа Palisade-ты биыл таныстырады.