Land Rover Defender Дакарға қатысуға дайын

Land Rover Defender-дің D7X-R индексті жаңа нұсқасын таныстырды. Ол өзі негізделген Defender Octa-дан аса көп ерекшеленбейді. Бірақ мұндай Defender саудаға шықпайды, компания оны 2026 жылы 3 қаңтарда басталатын Дакар ралли-марафонына арнап жасаған.

Басқа ірі компаниялардың ралли жобаларынан айырмашылығы, жарысқа қатысатын Defender сериялық модельге ұқсайды. Өйткені ол марафонның сериялық машиналар ғана бақ сынайтын Stock категориясына қатысады. Атап айтқанда, жол талғамайтын көліктің аспа кинематикасы стандарт күйінде қалды, бірақ ол берік Bilstein амортизаторымен толыққан. Defender D7X-R шөл далада жүруге арналған 35 дюймдік BFGoodrich шинасымен де жабдықталды.

1 / 9

• 
• 
• 
• 
• 
• 
• 
• 
• 

1 / 9

Автомобильдің күштік құрылымына өзгеріс енгізуге болмайды. Бірақ Land Rover мамандары моторды жарысқа бейімдеудің жолын тапты: салқындату жүйесін жаңартып, 8 сатылы автомат қораптың беріліс қатынасын өзгертті. Defender раллиге Octa-дан алған 4.4 литрлік V8 мотормен қатысады. Оның сериялық нұсқасы 635 ат күшi берді, бірақ Дакар ережесіне сай қуаты кемуі мүмкін.

Автомобиль шанағын да қатты өзгертуге болмайды, сондықтан Land Rover геометрияны жақсартатын жаңа бампер, мықты табалдырық және қосымша ауатартқыш қана орнатты. Салонның алдыңғы бөлігінде жарыс орындығы, штурманға арналған навигация құрылғысы пайда болды, артқы бөлікте қосалқы дөңгелек пен киімжарақ тұрады. Мұнда 550 литрлік жанармай багы болады.

Land Rover жарысқа үш машина мен үш экипаж дайындады, зауыт командасын атақты шабандоз Стефан Петерансель бастап шығады. Спортшы Дакарға 35 рет қатысып, 14 мәрте жеңіске жеткен.