Жеңіл көліктен коммерциялық техника жасайтын «Промышленные технологии» зауыты жаңа модель әзірледі. Фургон классикалық Niva-ға негізделді.
Жоба Niva Kub деп аталады. Жүк таситын көліктің жасалу жолы қарапайым. Lada Niva Legend-ті кесіп, лонжерондарына күшейтілген жартылай раманы бекітеді де, шыныпластиктен жасалған ірі қондырма орнатады. Стандарт артқы аспа орнын пневможастығы бар рессор басқан. Көліктің салмақ қосуы қуатын арттыру қажет екенін көрсетті. Сондықтан әдеттегі Niva-ның моторы 83 ат күшін берсе, Niva Kub 110 күшке ие. 1.7 литрлік қозғалтқышты Тольяттидегі «Супер Авто» шеберлері жақсартыпты.
Niva Kub қашан саудаға түсетіні және қаншаға сатылатыны белгісіз. Компания жобаға медицина, коммуналды және арнайы қызмет саласының өкілдері қызыға ма деп үміттеніп отыр.
Комментариев: 0