Автоөндіруші «шниваның» желіде тараған суретіне қатысты еш ақпарат бермеді. Бірақ зауытпен байланысты пабликтердің бірінде жобаның екі жыл бұрын басталғаны жазылған. 2019 жылы алғашқы нобайы сызылыпты, алайда кәсіпорынды қайта құру мәселесіне байланысты іс тоқтап қалған екен.
Машина техникалық жағынан өзгермеген, әрі салоны да бұрынғыдай. Яғни жаңарған темір тұлпарға 5 сатылы механикамен жұмыс істейтін небәрі 80 ат күші бар 1.7 литрлік мотор орнатылады. Бұл «Ниваның» алдыңғы бөлігі неге X-стильде жасалмады десеңіз, өндіруші бұрынғы бірлескен кәсіпорында жасалған дүниелерді өзгеріссіз қалдырып, бюджетті үнемдеген.
Ресми емес деректерге сүйенсек, жаңарған Lada Niva 2021 жылғы қаңтарда көпке көрсетіледі. Бір ай өткен соң сатыла бастайды.
Комментариев: 0