Lada Granta Қазақстанда жасалады

Көлік құралының типін мақұлдау жөніндегі жергілікті реестрде Lada Granta-ға арналған сертификат құжаты жарияланды. Автомобильді Қарағанды ​​облысының Саран қаласындағы Eurasia Tech зауыты құрастырады. Ол биыл жыл басында ашылған жаңа өндіріс орны. Largus та осы кәсіпорынның конвейеріне тұрады. Соңғы модель сертификат құжатын қаңтарда алған.

Құжатта Granta-ның Қазақстанда үш нұсқасы туралы жазылған: седан және екі лифтбэк (стандарт лифтбэк және атауында Cross қосымшасы бар көтеріңкі нұсқа).

Автомобильдерге арналған бір мотор ғана сертификат алды — 90 ат күшіне ие (143 Нм) 1.6 литрлік 8 клапанды ВАЗ-11182. Айналу моменті 5 сатылы механика қорап арқылы алдыңғы дөңгелектерге беріледі. АВТОВАЗ болашақта бұл агрегатты вариатормен жабдықтауды жоспарлап отыр, демек вариатор қорабы бар Granta Қазақстанға келуі мүмкін.

Eurasia Tech зауыты Lada өнімдерін нақты қашан құрастыра бастайтыны әлі белгісіз. Қазір елде 2025 жылғы Granta седаны 5.7 млн, ал лифтбэк нұсқасы 5.9 млн теңгеден саудаланып жатыр.