Lada Granta жаңартылғаннан кейін оның құрамына Kalina Cross универсалымен қоса, бүкіл Kalina топтамасы да кірді. Рестайлингті көлік 2018 жылы Мәскеуде өткен автосалонда таныстырылған. Сол кезде АВТОВАЗ өкілдері Cross нұсқасы 2019 жылдың I тоқсанында сатылымға шығуы тиіс деген еді, алайда көлікті көргеніміз жоқ.
Үлгінің жарыққа шығатын уақытының неліктен шегерілгені белгісіз, бірақ баспасөз орталығы жаңа мерзімді қайта атады. Енді АВТОВАЗ мамандары Lada Granta Cross сатылымға жаздың басында шығады деп отыр.
Универсалдың бағасына қатысты ақпарат әзірше хабарланған жоқ, десе де көліктің құны әдеттегіден 40 мың рубль, яғни 232 мың теңгеге қымбаттау болады деп күтілуде. Осы орайда Lada Granta-ның Қазақстандағы бағасы 3.3 млн теңгені құрайтынын айта кеткен жөн.
Комментариев: 0