Kolesa.kz-те сол рөлді Toyota Crown (S150) сатылады

Toyota компаниясының Crown моделі дегенде 1990 жылдардың аяғы мен 2000 жылдардың басында шыққан, Жапония нарығына арналған ірі седандар еске түседі. Crown күн шығыс елінде ғана емес, өзге мемлекеттерде саудаланған, сол рөлді нұсқасы да болды. Осындай көліктің бірі Kolesa.kz-те тұр, бағасы — 10 000 000 теңге.

1 / 9

• 
• 
• 
• 
• 
• 
• 
• 
• 

1 / 9

2000 жылғы S150 индексті автомобильдің оныншы буыны Алматыда сатылып жатыр. Ұзындығы 4.82 метр болатын седан өте жақсы сақталған, зауыттық ықшам дөңгелек дискілері де тұр. Бірақ артқы бампердің астындағы газ шығару түтігі көліктің стиліне сай келмейді.

1 / 8

• 
• 
• 
• 
• 
• 
• 
• 

1 / 8

Super Saloon интерьері бастапқы күйінде қалған. Орындықтары мен есік карталары күдерімен қапталған. Алдыңғы панельде кассеталы магнитола бар.

Мұндай седан 3 литрлік алты цилиндрлі 2JZ-GE моторымен жүреді. Жаңа кезінде ол шамамен 230 ат күшін берген. Автомат қораппен жұптасқан қозғалтқыш артқы дөңгелектерді айналдырады.

Хабарландыру авторы көліктің тарихы туралы ақпарат бермепті. Тек түпнұсқа шанақ бояуы сақталған, асты коррозияға қарсы жабынмен жабылған және қосымша дыбыс оқшаулағыш материалдар бар деп жазған. Жаңа иесі қосымша дөңгелек дискілері мен шиналар алады.