Kolesa.kz-те ерекше «Волга» сатылады

Kolesa.kz-те1996 жылы шықса да, небәрі 20 000 км жүрген қап-қара ГАЗ-31 саудаға шықты. Бұл — сайттағы ең қымбат «Волга». Иесі 35 000 000 теңге сұрап отыр. Құны тізімде екінші тұрған көліктікінен сегіз есе, модельдің орташа бағасынан 3450.7 % жоғары.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Бұл экземпляр сол жылдардағы қарапайым «Волгаға» ұқсайды, тек артқы бампердің астындағы газ шығару түтігі өзгеше. Соның арқасында ГАЗ-31013 индексін алған «догонялка» екенін білуге болады. Мұндай седандар негізінен КГБ қызметкерлеріне арналған еді.

Автомобильдің басты ерекшелігі капот астында. ГАЗ-31013 «Чайкадан» алған 5.5 литрлік V8 моторымен жабдықталған. Ол 170–195 ат күшін (405 Нм) береді. Қозғалтқыш 3 сатылы автоматпен жұптаса жұмыс істейді.

Төрт есікті седанның қуаты артқандықтан инженерлер оның шанағын, аспасын және тежеуіш жүйесін жақсартқан, салмақ балансын сақтау үшін жүксалғышқа 90 келілік қорғасын тақта орнатты.

1 / 11

• 
• 
• 
• 
• 
• 
• 
• 
• 
• 
• 

1 / 11

Қызметтік көлік болғанына қарамастан, салоны кәдімгі ГАЗ-3102-ге ұқсайды, сол үшін мамандар автомат қорабын жасырып, механикаға ұсқатып қойған. Дегенмен оны екі педалінен танисыз. Алдыңғы панелінің астында батырмалар бар.

Таразда тұрған машина туралы қосымша ақпарат жоқ. Тек зауыттан шыққандағы күйінде сақталғаны белгілі.