Алматыда тұрған Maserati Quattroporte 1997 жылы жарық көрген. Марчелло Гандинидің қаламынан туған седан содан бері небәрі 24.1 мың км жүріпті.
Quattroporte — Қазақстанда ғана емес, бүкіл әлемде көп көріне бермейтін автомобиль.
Модель AM578 индексті мотор көмегімен қозғалады. Сегіз цилиндрлі агрегаттың көлемі — 3.2 литр, екі турбокопрессордың арқасында 335 ат күші мен 450 Нм момент береді. Қозғалтқыш 6 сатылы механикамен жұмыс істейді. Quattroporte V8 алғашқы жүздікті 5.8 секундта алады, ең жоғары жылдамдығы — 270 км/сағ.
Хабарландыру авторы көліктің тарихы мен жағдайына қатысты мәлімет бермеген, тек ақша салуды қажет етпейді, әсем дизайнды бағалайтындар мен сирек модель жинайтындарға арналған деп жазыпты.
Maserati Quattroporte үшін иесі 15 млн теңге сұрап отыр.
Комментариев: 0