5 млн теңге тұратын ескі Audi 100

Kolesa.kz сайтында ескі Audi 100 саудаға шықты. Модельдің үшінші (C3) және төртінші (C4) буынын Қазақстан жолдарынан көп көреміз, ал C2 индексті ескі нұсқасы сирек кездеседі. Қазір оның бірнеше экземпляры ғана сатылып жатыр. Біреуінің иесі машинасын нағыз раритет деп санайды.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Фотосуреттен 1981 жылғы автомобильдің жағдайы шынымен жақсы екенін көруге болады. Бірақ седанның ескі екенін аңғартатын белгілер байқалады, мысалы, салонда қисайған пластик бөлшектер көзге түседі.

1 / 9

• 
• 
• 
• 
• 
• 
• 
• 
• 

1 / 9

Хабарландыру авторы машина нақты қанша км жүргенін жазбапты, бірақ суреттен Audi 100-дің одометрі 171 мың км көрсетіп тұрғанын байқалады. C2 2.1 литрлік карбюраторлы бес цилиндрлі мотормен жүреді. Жаңа кезінде ол 115 ат күшін беретін. Агрегат 5 сатылы механика қораппен жұмыс істейді. Автомобиль алдыңғы жетекті. Сатушы қозғалтқыш пен беріліс қорабы жақсы жұмыс істеп тұрғанын жазған.

Audi 100-ді иесі 5 млн теңгеге сатуға дайын. Яғни ол ең қымбат «жүздіктердің» бірі атанып отыр.