Kolesa.kz-те сирек кездесетін Toyota Century сатылады

Kolesa.kz порталында біздің елде ғана емес, Жапонияның өзінде өте сирек кездесетін автомобиль сатылады. Ол — 2000 жылғы Toyota Century седаны. Компания модельдің екінші буынын 20 жыл өндірді, бірақ 9573 данасы ғана шыққан, оның жүз данасы сол рөлді.

1 / 11

• 
• 
• 
• 
• 
• 
• 
• 
• 
• 
• 

1 / 11

Century жапон маркасының флагманы әрі V12 моторымен жүретін жалғыз моделі. 5 литрлік 1GZ-FE 280 ат күшіне ие деп көрсетілген, бірақ нақты қуаты 310-нан асады. Екінші буынның ертерек шыққан нұсқаларында агрегат 460 Нм моментті 4 сатылы автомат арқылы артқы дөңгелектерге береді. Экспортқа арналған санаулы машинаны айтпағанда, жаңа Century-ді тек Жапониядағы Toyota дилерлерінен сатып алуға болатын. Бағасы 11.4 млн иеннен басталды, бұл сол кезде 100 000 долларға тең еді.

Century император көлігі деп аталды. Бұл жай лақап ат емес, автомобильдің үш буынын да жапон императорлары мінген. Билеушілер әдеттегі седанмен де, соларға негізделген Toyota Century Royal (G51) сияқты лимузин, сәнді кабриолетпен де жүрді.

Century артта отырған жолаушыға аса жайлы көлік. Алдыңғы креслоның бір бөлігін жатқызып аяқ тіреуішке айналдыруға болатын қызық опциясы бар.

Алматыда тұрған 23 жастағы машина небәрі 31 мың шақырым жол жүрген. Хабарландыру авторы көліктің жағдайы жайлы толық ақпарат бермепті, бірақ седанды еліміздің кез келген жеріне жеткізіп беруге дайын. Иесі Century Қазақстанда тіркелгенін айтады. Көлік 30 млн теңгеге (67 мың доллар) бағаланып отыр.

Бұл біздің елдегі жалғыз Century емес. Мысалы, Оралда 160 мың км жол жүрген 2004 жылғы машина 25 млн теңгеге сатылып жатыр. Ол да Қазақстанда тіркелген. Бірнеше жыл бұрын Kolesa.kz-те 2007 жылғы седанды небәрі 5 млн теңгеге сатты. Бірақ ол Century Арменияда есепте тұрған. Жоғарыда аталған екі машина биыл 23 қаңтарда басталған көлік заңдастыру шарасы аясында Қазақстан нөмірін алған болуы мүмкін.