Kolesa.kz порталында 1990 жылы шыққан Audi 100-дің үшінші буыны (С3) сатылып жатыр. Көлік қымбат бағасымен назар аудартады. 32 жастағы седан үшін иесі 5.5 млн теңге сұрап отыр. Ал мұндай машиналардың орташа құны — 1.1 млн теңге. Оның үстіне сатушы «Ауди» жаңа жылдан кейін бұдан да қымбаттайтынын жазыпты.
Иесінің айтуынша «машинаның жағдайы мінсіз, еш жері қайта жөнделмеген және жап-жаңа көрінеді». Фотосуреттен Audi-дің сырты шынымен жақсы сақталғанын көруге болады. Бірақ интерьері қандай күйде екені белгісіз, сатушы салон суретін жарияламапты.
Иесі көліктің бояуы, әйнегі, тіпті жүріс бөлігі де түпнұсқа екенін айтады. Хабарландыруда машина 200 шақырым ғана жол жүрген деп жазылған, бірақ бұл шындыққа жанаспайтын секілді.
Audi 100 136 ат күшін беретін 2.3 литрлік 5 цилиндрлі мотормен жүреді. Барлық айналу моменті механикалық қорап арқылы алдыңғы дөңгелектерге беріледі.
Комментариев: 0