Kolesa.kz-те Toyota-ның моторын алған «Москвич» сатылады

Kolesa.kz-те ерекше екі есікті көлік туралы хабарландыру шықты. Ол 1968 жылғы «Москвич-408-ге» негізделген. Алдыңғы және артқы бөлігі түпнұсқаға ұқсайды, бірақ біршама өзгерген.

1 / 4

• 
• 
• 
• 

1 / 4

Седанның артқы есіктері жоқ, алдыңғысы 30 см ұзарған. Купенің ұзындығы 50 см, ені 25 см артты. Шатырының алды 7 см, арты 11 см төмендеді.

Түпнұсқа мотордың орнын Toyota Altezza-ға тиесілі 2 литрлік 3S-GE BEAMS басты. Toyota оны Yamaha инженерлерімен бірге әзірлеген. Атмосфералық агрегат 210 ат күшін береді, автомат қорабы артқы дөңгелектерді айналдырады. «Москвич» Mark II седанының тәуелсіз аспасын алды.

1 / 3

• 
• 
• 

1 / 3

Иесі интерьерін өзі жасап, Altezza-ның аспаптар панелі мен трансмиссия селекторын орнатыпты.

Автомобиль қанша жүргені белгісіз, бірақ қозғалтқыш 82 000 шақырым еңсерген. Сатушы шанақ параметрін өзгерту сияқты жұмыстарды заңдастырған. MotorFestKz фестиваліне қатысқан көліктің бағасы — 8 000 000 теңге.