Kolesa.kz-те ерекше мақсатты гаражда тұрған ЗИЛ-41047 сатылады

Kolesa.kz-те кеңес кезеңіндегі автоөндіріс өнімі сатылады. 1990 жылғы ЗИЛ-41047 88.6 мың шақырым жол жүрген.

1 / 7

• 
• 
• 
• 
• 
• 
• 

1 / 7

Хабарландыру авторы лимузинді 2008 жылы Мәскеудегі ерекше мақсатты гараждан алғанын жазыпты. Автомобильдің жағдайы өте жақсы екен, зауыт орнатқан компонеттерін түгел сақтаған дейді. Дегенмен салондағы Alpine магнитоласы мен CD-чейнджер жат көрінеді.

1 / 7

• 
• 
• 
• 
• 
• 
• 

1 / 7

1985-2002 жылдары шыққан ЗИЛ-41047 сонау 1960 жылдардың аяғында жарық көрген ЗИЛ-114 ескі моделінің соңғы түрленімі саналады. Автомобиль 315 ат күшіне ие 7.7 литрлік V8-бен жүреді. Айналу моменті 3 сатылы автомат қорап арқылы артқы дөңгелектерге беріледі.

ЗИЛ-41047-нің небәрі 154 данасы конвейерге тұрған екен. Нөмір жазылған тақтайшадан көлік 83-інші болып шыққаны көрінеді.

Иесі модельдің 2008 жылға дейінгі тарихына қатысты мәлімет бермепті. Ол лимузин Астанада болды деп жазған, бірақ фотодан Қостанай жолдарымен де жүргені байқалады. Бағасы — 150 млн теңге (334 мың доллар).