Kolesa.kz-те 420 ат күшіне ие Priora сатылады

Kolesa.kz порталында 2007 жылғы ВАЗ-2110 сатылады. Хабарландыру авторы жобаны Wideworx компаниясы әзірлегенін жазыпты. Самаралық шеберлер седанға бастырық, ірі артқы бампер, бүкіл алдын алып тұратын радиатор торы мен өзгеше оптика орнатқан. Шанағы жасыл және қызғылт сары түске боялған «ондық» алыстан көзге түседі.

1 / 6

• 
• 
• 
• 
• 
• 

1 / 6

Салоны да назардан тыс қалмады. Төрт есікті көліктің өз интерьерінен бас тартқан мамандар кейін шыққан Lada Priora компоненттерін орнатқан. Рөл ғана емес, ортаңғы консоль мен есік панелін де ауыстырыпты. Орындықтар тесіп тігілген былғарымен, ал төбесі алькантарамен қапталған.

1 / 5

• 
• 
• 
• 
• 

1 / 5

Жобаның басты ерекшелігі капот астында. 1.6 литрлік мотор турбокомпрессор және 420 «арғымақты» сыйғызу үшін қажет дүниелермен орнатыпты. Бірақ момент саны мен 5 сатылы стандарт трансмиссияны қалай күшетйкенін автор ашып жазбаған.

Нұр-Сұлтанда тұрған темір тұлпардың бағасы — 3.5 млн теңге.