Клиренсі 40 см Land Cruiser

Көз тартарлық тюнингтерімен танымал Kuhl Racing ательесі жұртты тағы таңғалдырды. Шеберлер Blocker Iron Build жобасы аясында дөңгелек пішінді бас оптикасы бар стандарт Toyota Land Cruiser 250-ді 37 дюймдік Yokohama Geolandar M/T G003 шинасымен қапталған 22 дюймдік Kuhl Verz DR03 дискісімен жабдықтады.

Үлкен дөңгелектер реттелетін аспа және JAOS фирмасының аралық бөлшегімен (проставка) үйлесе отырып, клиренсті бірден 7 дюйм (178 мм) арттырып, 15.7 дюймге (399 мм) жеткізді.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Биік TLC 250 болат бампер, табалдырық, арка кеңейткіш, экспедицияға арналған жүксалғыш және бесінші есіктегі спойлермен ерекшеленеді. Төбесінде 40 дюймдік IPF жарықдиодты «люстрасы» орналасқан.

Kuhl «прадикке» арналған жаңа тюнинг-пакетті 2026 жылы 9–11 қаңтар аралығында Makuhari Messe көрме орталығында өтетін Токио автосалонында таныстырады. Бағасы сол кезде белгілі болады.