Классикалық купе шанағындағы BMW M5 аукционға қатысады

Онлайн-аукциондардың бірінде Мюнхендегі MKO компаниясының ерекше жобасы бәссаудаға түсті. 1970 жылдардың басындағы BMW 3.0 CSL-ге ұқсайтын бұл көлік заманауи машинаға негізделген. Ол — 2001 жылғы BMW M5 E39 седаны.

1 / 6

• 
• 
• 
• 
• 
• 

1 / 6

MKO шеберлері M5-ті толықтай бөлшектеп, артқы екі есігін алып тастап, шанағын 8 сантиметрге қысқартқан. Жаңа шанақ панельдерін екі E9 купесінен алған. CSL-дің аэродинамикалық элементтерін өздері жасаған.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Салонда жобаға негіз болған M5-тің бөлшектері және кастом компоненттер бар. Мысалы, седандағы алдыңғы панель, рөл және ортаңғы консоль тұр, бірақ соңғысы айтарлықтай өзгерген. Онда жүргізуші есігіндегі әйнек көтергіштің басқару блогы жайғасты. Стандарт алдыңғы орындықтардың орнын жылытқышы бар Recaro креслосы басты.

1 / 6

• 
• 
• 
• 
• 
• 

1 / 6

Купе 432 ат күшін беретін 4.9 литрлік V8-бен жүреді. Қозғалтқыш 6 сатылы механикалық қораппен жұптаса жұмыс істейді. Мамандар аспасына KW компаниясының тірегін орнатқан.

Сатушы 2011 жылы жоба аяқталғаннан бері CSL 12 мың шақырым жүрген дейді. Аукцион аяқталуына бір күн қалғанда бағасы 43 мың еуродан (24.3 млн теңге) асып кеткен.