Mercedes-Benz көліктерін жақсарту және қалпына келтірумен айналысатын Америкадағы Renntech ательесі 1980 жылдары шыққан C126 SEC купесіне негізделген рестомод жобасы туралы ақпарат жариялады.
Автомобильдің басты ерекшелігі — моторы. Ол әйгілі M120 индексті V12-мен жүреді. Pagani Zonda да осындай агрегатпен жабдықталған. Renntech мамандары қозғалтқыштың көлемін 7.5 литрге дейін ұлғайтпақшы, қуаты шамамен 670 ат күшін (881 Нм) құрайды.
SEC V12 Sledgehammer атауын алған купенің сырт келбетін әзірлеу барысында дизайнерлер AMG бастырығы бар 500 SEC-ден шабыт алған сияқты. 126-ның жаңа жалпақ шанағы сұсты көрінеді. Төмен клиренс пен жеңіл дискілер осындай әсер береді.
Басқа техникалық сипаттамасы туралы ақпарат жоқ. Бірақ компания әр SEC V12 Sledgehammer-дің шассиі толық әрі мұқият реставрациядан өтетінін және сатып алушыға кастом интерьер орнатуға мүмкіндік беретінін атап өтті. Тюнерлер 12 рестомод құрастырады. Алғашқы клиент көлікті 2027 жылы желтоқсаннан кейін алады.
Комментариев: 0