Оқиға Наурызбай ауданына қарасты Ақжар шағынауданында 19 мамыр күні болған. Ескілеу Mercedes C-классты автокөлікті тізгіндеген жеткіншек достарымен бірге Ақжардағы Әбділдин көшесімен келе жатып, жолға кенет жүгіріп шыққан кішкентай баланы байқамай қалады. Бейнежазбадан аңғарғанымыз, жүргізушінің достарының бірі автокөлікті жасыру мақсатында апат орнынан айдап кеткен сыңайлы. Түрлі жарақат алған бала ауруханаға жеткізілді. Автокөлік табылып, айып тұрағына қойылды.
Жасөспірімдер үшін автокөлік — кемелдену мен ер жеткендіктің көрсеткіші және әркім достарының алдында өзін барынша көрсетіп қалуға тырысады. Кейбір ата-ана баласының рөлге отыруына өзі рұқсат береді. Алайда статистикалық мәліметтер көрсеткендей, жасөспірімдер көбіне автокөлікті үлкендердің рұқсатынсыз айдап кетеді екен, нәтижесінде мұндай әрекет жол апаты мен адам тағдырының бүлінуіне әкеп соғады.
Комментариев: 0