Kia Soul кроссоверінен бас тартты

Компания Soul-мен қоштасайын деп жатыр. Қазір ол Оңтүстік Кореяда жасалады, бірақ бұл жаңалықты алғаш болып брендтің Америкадағы бөлімшесі хабарлады. Топтамада Soul-дың орнын онымен өлшемі бірдей кроссоверлер мен жаңа Kia K4 хетчбэгі басады.

Белсенді өмір сүретін жас әрі басы бос клиенттерге арналған Soul 2008 жылы жарық көрді. Ол үш рет буын алмастырды, алғашқы екі буыны Кореяда ғана емес, Қытайда да шығатын. Soul Ресейдегі «Автотор» зауытында конвейерге тұрған еді, Қазақстанда бастапқыда Өскемендегі «Азия Авто» шығарған, қазір Қостанайдағы «СарыарқаАвтоПром» құрастырады. Soul толық циклді әдіспен тек Оңтүстік Кореяда жасалады.

1 / 21

Бірінші буындағы Kia Soul

1 / 21

Компания әлемдік сауда туралы ақпарат бермесе де, Soul-дың өндіріс көлемі 2015 жылы миллионнан асқаны белгілі. АҚШ-та 1.5 миллионнан астам көлік иесін тапты. Марка модельдің Солтүстік Америкаға әсерін бағалау қиын, себебі Soul сатылып жатқанда Kia-ның Америкадағы жалпы саудасы шамамен үш есе артты деді. Бұған мультфильм кейіпкері сияқты әнші атжалман қатысқан жарнаманың ықпалы зор болған, кейін машина hamster-car деп аталып кетті.

Келер жылы Kia Soul шықпайды, өндіріс биыл қазанда толығымен тоқтайды.

Комментариев: 0