Қазақстанның автокөлік саласы кәсіпорындарының одағы «КазАвтоПром» (одақ құрамына «БИПЭК Авто», СеМАЗ және Daewoo Bus Kazakhstan компаниялары кіреді) атынан ҚР ІІМ-нің мекенжайына жолданған ресми хатта өндірушілер нені орынды деп санайтындарын мәлімдеді. Онда былай жазылған:
- Көлік құралын уақытша әкелу тәртібі мен уақытша кіргізілген көлік құралдарына қатысты талаптарға байланысты түсініктеме беру.
- Уақытша әкелінген көлік құралдарын басқару жүйесін жөнге келтіру.
- ҚР аумағында бір жылдан аса уақыт қолданылатын (уақытша кіргізу тәртібіне қатысы жоқ) көліктерге қатысты, олар белгіленген талаптардың барлығына сай болғанда және барлық алымдар (бастапқы алым, утилизациялық алым, акциз, кедендік баж салығының мөлшерлемесіндегі айырмашылықтар және т.б.) төленген жағдайда оларды мемлекеттік тіркеуден өткізу.
- Техникалық регламенттер мен қозғалыс қауіпсіздігінің талаптарына сай келмейтін көлік құралдарына қатысты шаралар қолдану.
Дәл қандай талаптар жайлы сөз қозғалғанын және қандай нақты шаралар қолдану қажеттігін автоөндірушілер ашып жазбаған. Десе де мұнда сөз армениялық және ресейлік нөмірдегі көліктердің жалпы қолданыстағы жолдармен қозғалуын шектеу туралы болып отырғанын аңғару қиын емес.
Армениялық, қырғызстандық, ресейлік және беларустық көліктерге деген жағымсыз көзқарасын автоодақ көрші елдерден әкелінетін ұсталған көліктер санының артуы Қазақстан жолдарындағы қозғалыс қауіпсіздігіне қауіп төндіріп қана қоймай, биліктің отандық автопаркті жаңартуға бағытталған әрекетіне де кедергі келтіретінімен түсіндірді. Аталған автокөліктердің тіркелмейтіндігі оларды есепке алуды қиындатып, жол ережесін бұзғандардың жауапкершіліктен құтылуына мүмкіндік беретіні жағдайды одан бетер күрделендіреді."
Комментариев: 0