Как ездить на авто с российским учётом в Казахстане?

Ресейлік есептегі автокөлікпен Қазақстанда қалай жүру керек

Соңғы кездері Kolesa.kz редакциясына осы сұрақ мазалаған жандардан хаттар көптеп келуде. Түсіндіреміз!

Көлікті есепке қоюдың эксаумақтық қағидасын енгізумен қатар, Қазақстанда автокөліктерді уақытша тіркеу шарасын да қысқартты. 2017 жылдан бастап көлікті оның иесінің тұрғылықты не тіркелген мекенжайына қарамастан, кез келген ХҚКО не полицияның облыстық ТЕБ-де тіркеу мүмкін болды. Бұл талаптар ЕЭО елдерінде (Ресей, Беларусь, Қырғызстан, Армения) тіркелген көліктерге де қатысты.

Бұған қоса, кейбір қырғыз және армян көліктеріне бірқатар шектеулер (2020 жылға дейін сенімхат бойынша рәсімдеуге тыйым салу, тіркеу барысында баж салығындағы айырмашылықты төлеу және т. б. сынды) болса, ресейлік және беларусьтік көліктер рөлінің оң не сол жақта болуына, жасы мен ЕЭО аумағында алғаш тіркелген күніне қарамастан, Қазақстанда, оның ішінде ел азаматтарының тізгінінде еркін жүре алады.

Бүгінгі таңда ресейлік және беларусьтік көлік құралдарының біздің елде еркін жүруі үшін керегі тек мыналар ғана:

  1. Қазақстанда рәсімделген қолданыстағы АҚЖ МС сақтандыру полисі.
  2. РФ аумағында өткен техникалық байқаудың қолданыстағы куәлігі. (Бұл үшін жыл сайын Ресейге бару қажет болады. Заңға сәйкес халықаралық қозғалысқа қатысуға шыққан жылына қарамастан, тек жыл сайынғы техникалық тексерістен өткен көліктер ғана жіберіледі.)
Ресейлік есептегі автокөлікпен Қазақстанда қалай жүру керек

Сонымен қатар, ресейлік есепте тұрған көлік иесінің атында Ресейде рәсімделген шекарадан өтуге рұқсат беретін сенімхат болуы тиіс. (Қазақстанда мұндай құжаттар ең көбі үш жылға беріледі. Ресейде мерзімсіз сенімхат рәсімдеуге болады.)

Жаңа не ұсталған көлікке осындай жолмен иелік етудің артықшылықтары айқын әрине:

  • утилизациялық алым төлеу міндетті емес;
  • есепке қойғаны үшін алым төлеу міндетті емес;
  • Еуро-4 стандартына сәйкестік, ABS, қауіпсіздік жастықтарының, балалар креслосына арналған ISOFIX бекіткішінің және күндізгі жарық шамдарының болуы сынды талаптарды сақтаудың қажеті жоқ;
  • автомобильдің рөлі оң жақта болуы мүмкін.

Кемшіліктеріне қатысты айта кететін жәйт:

  • автокөлік атына тіркелген адамға деген сенімнің болуы, себебі іс жүзінде сіз көліктің иесі бола алмайсыз;
  • көлікті техникалық тексерістен өткізу үшін Ресейге бару қажет, ал бұл уақытты, берік жүйкені әрі біршама шығынды қажет етеді;
  • Ресейдің кейбір аймақтарында көлемі ауқымды көліктерге салынатын салықтар қазақстандық салықтардан әлдеқайда жоғары.

Ендеше, ресейлік нөмірдегі көліктің сізге қажеті бар ма, жоқ па? Ол жағын шешу өз құзырыңызда!

Сәтті сапар тілейміз!

Комментариев: 0

Чтобы оставить комментарий, вам необходимо зарегистрироваться или авторизоваться.