Мәскеулік каршеринг қолданушылары қуанышқа кенелді. «Яндекс.Драйв» автопаркіне айрықша көліктер қосты. Мұнда сөз 1965 жылы шыққан классикалық Ford Mustang фастбегі мен 1969 жылғы кабриолет жайлы болып отыр. Бұл жөнінде «Яндекс» баспасөз қызметінің басшысы Илья Грабовский Facebook парақшасында жазды.
Масл-карларды 26 жастан асқан, жүргізушілік өтілі алты жылдан кем емес пайдаланушылар жүргізе алады. «Мустангты» жалға алудың құнын Грабовский ашып айтпады, бірақ темір тұлпарды бір, үш не алты сағатқа және бір тәулікке жалға алуға болады.
Компаниядағылар көлікті мобильді қосымша арқылы ашып-жабуға және оның тұрған жерін анықтауға мүмкіндік беретін телематика блоктарын есепке алмағанда, «мустангтың» екеуі де бірегей екендігін атап өтті. Десе де мұнда бір кілтипан бар: Грабовский кабриолеттің 6 сатылы механикамен жабдықталғанын жазды, бірақ өткен ғасырдың 60 жылдары «Форд» гаммасында ондай қорап болған жоқ. Баспасөз қызметі қателескен болуы мүмкін не біздің алдымызда тұрған заманауи мотор мен механикалық беріліс қорабына ие рестомод.
Комментариев: 0