Канада Қытай көліктеріне көп салық салмай ма?

Бостонда орналасқан The Wire China басылымы хабарлағандай, Канада премьер-министрі Марк Карни Қытай электромобильдеріне салынатын 100 % баж салығын бұрынғы 6.1 % деңгейіне түсіруге дайындалып жатыр. Билік бұл шешімін жақында ресми жария етуі мүмкін.

Аспан асты елінде жасалған өнімдерге қарсы салықты былтыр Джастин Трюдо басқарған үкімет енгізген. Мақсат — жергілікті автозауыттарды әділетсіз бәсекеден қорғау.

Инсайдерлер Карни АҚШ президенті Трамптың Канадаға қатысты саясатына наразы, сол үшін ол Қытаймен қарым-қатынасын жақсартуға ниетті. Жақында Оңтүстік Кореяда өтетін Азия-Тынық мұхиты экономикалық ынтымақтастығы саммитінде Канада басшысы мен ҚХР төрағасы кездеседі. Екі ел арасындағы экономикалық ынтымақтастықтың болашағы сол кезде талықыланады.

Тариф шынымен түссе, Канада нарығына BYD, XPeng, Zeekr және Nio сияқты Қытай электромобильдері көптеп кіріп, Батыс концерндерін ығыстыруы мүмкін. Ал жергілікті автоөндірушілер мен кәсіподақтарға бұл ұнамайтыны анық.