Жетінші буындағы Mercedes-Benz S-Class-тың камуфляждағы прототиптерінің жолда жүйткіп жүргеніне көп болды. Алайда жуырда жарияланған суреттерден оның бүркелмегені байқалады. Шамасы машина утилизация алдында суретке түсірілген болса керек.
Фотосуреттен S-Class-тың жіңішке алдыңғы шамдары мен ірі радиатор торын көруге болады. Ал сүйір бұрышты артқы шамдары CLS оптикасын еске салады. Сырттай көліктің S-Class екені бірден аңғарылады, бірақ салоны мүлде өзгеше.
Ортада орналасқан ірі дисплей мен аспаптар панелін бұрын жарияланған суреттерден көргенбіз. Физикалық батырмалар саны аз екенін байқауға болады.
Жаңа флагманның техникалых жағына қатысты ақпарат көп емес. Десе де, моторлар топтамасында 3 литрлік қатарлы турбомотор мен 4 литрлік V8-дің болатыны анық. Бұлардың екеуі де стартёр-генератормен жабдықталады. Ал V12 нұсқасының жарыққа шығуы екіталай.
W223 2021 жылы ресми таныстырылады деп жоспарланған.
Комментариев: 0