Jetta маркасы Қазақстанға келеді

Жақында Қазақстан автонарығына жаңа марка қосылады. Jetta VS7 көлік құралының типін мақұлдау құжатын алды. Онда өтініш беруші ретінде Volkswagen-нің елдегі ресми өкілі — Mercur Autos көрсетілген.

1 / 10

• 
• 
• 
• 
• 
• 
• 
• 
• 
• 

1 / 10

Jetta — FAW мен Volkswagen-нің бірлескен жобасы. Бренд 2019 жылы құрылып, алғашқы кезеңде Қытайда VW Group платформаларына негізделген бірнеше седан мен кроссовер сатты. Кейін автоөндіруші экспортты қолға алды.

Кроссовер MQB платформасына негізделген. Дәл осы архитектураны Škoda Kodiaq пен Volkswagen Tiguan қолданады. Автомобильдің ұзындығы — 4624 мм, дөңгелек базасы — 2730 мм. Ол ұзындығы 4758 мм, дөңгелек базасы 2791 мм болатын қазіргі Škoda Kodiaq-тың екінші буынынан ықшам.

1 / 11

• 
• 
• 
• 
• 
• 
• 
• 
• 
• 
• 

1 / 11

Машина тек 150 ат күшін (250 Нм) беретін 1.4 литрлік турбомотор көмегімен қозғалады. Бұл — EA211 агрегаты, ол Қытайдағы FAW-Volkswagen бірлескен кәсіпорнында жасалады. Құжатта беріліс қорабының түрі жазылмаған. Бірақ өз отанында және басқа елдерде жүрген VS7 алдыңғы дөңгелектерді айналдыратын 6 сатылы механика немесе 6 диапазонды автоматпен жабдықталады. Толық жетек жүйесі жоқ.

Jetta өнімдерін Қазақстанда қашан ресми сата бастайтыны әзірге белгісіз.