Jetta ірі кроссоверін таныстырды

Volkswagen концернінің құрамына кіретін Қытайдағы Jetta бренді жаңа VS8 атты өнімін ұсынды. Ол бренд тарихындағы ең үлкен көлік болады. VS8 өзге Jetta модельдерінен бірегей экстерьерімен және салон архитектурасымен ерекшеленеді, бірақ күштік құрылымы өзгермейді. Жаңа өнім Volkswagen мен FAW бірлескен кәсіпорнында жасалады.

1 / 5

• 
• 
• 
• 
• 

1 / 5

Кроссовер Jetta стиліндегі жақтаусыз радиатор торын, Y тәрізді жарық техникасын алды. Өлшемдері — 4629×1851×1624 мм, дөңгелек базасы — 2731 мм. VS8 бұрынғы флагман VS7-ден сәл үлкен, соған қарамастан брендтің ең ірі моделі атанды. Уақыт өте келе VS8 топтамадағы VS7-нің орнын басуы мүмкін. Дөңгелек диаметрі — 18 дюйм. Шанағы қара, ақ, сұр және жасыл түсті болады.

1 / 3

• 
• 
• 

1 / 3

Салонында алдыңғы панелі жаңарды, физикалық түймелері аз ықшам ортаңғы тоннель және өзгеше мультимедиа бар. Бұрынғы Jetta модельдерінде ортаңғы тачскрин панельде болса, VS8-де ол бөлек орналасқан. Соның арқасында дисплей 14.6 дюймге ұлғайды. Аспаптар панелі — 10.25 дюйм. Медиажүйені дауыспен басқару мүмкіндігі бар. VS8 салонында ұсақ-түйек салатын 25 орын бар.

Алдын ала мәлімет бойынша күштік құрылымы өзгермейді. Jetta VS8 150 ат күшіне ие (250 Нм) 1.4 литрлік турбомотормен және базалық модификацияда 6 сатылы механикамен жабдықталады. Қымбатырақ комплектацияда 6 сатылы автомат болады, бірақ толық жетекті нұсқасы болмайтын сияқты.