Jetour T1-дің бағасы белгілі болды

Жақында Қазақстандағы Jetour топтамасына тағы бір модель қосылады. Костанайдағы Allur зауыты құрастыратын Jetour T1 — ұзындығы 4.7 метр, дөңгелек базасы — 2.8 метр, клиренсі 190 миллиметр кроссовер.

1 / 7

• 
• 
• 
• 
• 
• 
• 

1 / 7

Модельдің Көлік типін мақұлдау туралы құжатында екі түрлі күштік құрылым тіркелген: 170 және 245 ат күшіне ие 1.5 және 2 литрлік турбомотор. Бірақ прайс-листе тек 8 сатылы автомат қорап және BorgWarner толық жетек жүйесімен жұмыс істейтін қозғалтқышы бар көлікке қатысты ақпарат бар. Ал моножетекті нұсқаны кейінірек ұсынады.

1 / 3

• 
• 
• 

1 / 3

Jetour T1-дің қазірше Expedition комплектациясы сатылады. Жабдықтар тізімінде алдыңғы және бүйірлік эйрбег, қауіпсіздік пердесі, электрондық көмекшілер кешені, кілтсіз ашу жүйесі, барлық креслоны жылыту және желдету функциясы, екі аймақты климат-бақылау, электр көмегімен реттелетін алдыңғы орындық, сымсыз қуаттау жүйесі, 15.6 дюймдік экраны бар медиажүйе (Apple CarPlay, Android Auto-мен жұмыс істейді), 10.25 дюймдік цифрлық аспаптар панелі мен бірнеше USB-розетка бар.

1 / 6

• 
• 
• 
• 
• 
• 

1 / 6

Бұған дейін Kolesa.kz редакциясы елде Jetour T1-дің құны 16 млн теңгеден басталуы мүмкін деп болжаған. Ресми прайс-лист мұны растап отыр — 15 990 000 теңге. Бұл сомаға ең үздік Expedition нұсқасын аласыз. Демек алдыңғы жетекті қарапайым түрленімі одан арзан болуы мүмкін.

Jetour T1 ресми саудаға қашан шығатыны әлі белгісіз.