Jaguar электрлі Type 01-ді көрсетті

Бренд 2024 жылы алғаш ел алдына шыққан айрықша Type 00-дің тауар түріндегі нұсқасын көрсетті. Сырттай концептіден еш айырмашылығы жоқ машина Type 01 индексін алыпты.

1 / 9

• 
• 
• 
• 
• 
• 
• 
• 
• 

1 / 9

5.2 метрлік седан марканың 118 киловатт NMC-батареясы мен 850 вольтты борт желісінен тұратын су жаңа Jaguar Electric Architecture платформасына негізделген. Бастапқы кезеңде электрокар тек 1030 ат күші мен 1365 Нм момент беретін үш моторлы күштік құрылыммен жабдықталады. Алғашқы жүздікті 3.2 секундта алады және 644-720 шақырымды еркін еңсереді. 10-нан 80%-ға дейін небәрі 22 минутта қуаттауға болады.

Минимализм стиліндегі салонында екі шабақты рөл, аспаптар панелінің рөлін атқаратын 24 дюймдік экран, ортаңғы консольдегі 7 дюймдік тачскрин тұр. Тағы бір шағын дисплей алдыңғы әйнектің шетіне жайғасыпты, ол артқы айна ретінде қызмет етеді.

Jaguar модельге қатысты толық ақпарат бермеді, бірақ оған қос камералы пневмоаспа, бұрылатын артқы дөңгелектер, артқы спойлер, озық көмекшілер жинағы, алдыңғы панельдің енін түгел алып жатқан саундбары мен 38 динамигі бар аудиожүйе орнататыны белгілі.

Ағылшын маркасы жалғыз моделіне келер жылы тапсырыс қабылдай бастайды. Бағасы 130 мың фунт стерлингтен (77.8 млн тг) басталады.