JAC-тың жеті орынды минивэні Қазақстанға келді

Ұзақ жылдар бойы J7 лифтбегі, кроссоверлер, пикаптар мен коммерциялық техникадан тұрған топтамаға MPV шанағындағы көлік қосылды. Жаңа флагман кәріс және қытай өнімдеріне бәсекелес болады.

Марка RF8-дің тек үздік Intelligent комплектациясын ұсынады. Бағасы — 18 890 000 теңге. Стандарт жабдықтар тізіміне 12.3 дюймдік цифрлық аспаптар панелі мен мультимедиа жүйесі, ауа ионизаторымен жабдықталған үш аймақты климат-бақылау, панорамалы шатыр және электр жетекті жылжымалы есіктер кіреді. Марка Apple CarPlay және Android Auto, айнала шолу камерасы, бейімді круиз-бақылау және жүргізуші ассистенттерінің кешенін де орнатыпты.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Өндіруші жолаушылардың жайлылығына ерекше көңіл бөлген. Екінші қатарда электр көмегімен реттелетін, жылытқыш, желдеткіш және массаж функциясына ие жеке орындықтар тұр. Артына үш орынды диван жайғасты. 12 динамикті премиум аудиожүйе, түрлі түсті интерьер жарығы және сапалы әрлеу материалы жайлы атмосфера сыйлайды.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Машина азиялық минивэндер сияқты хром элементтер, бедерлі капот, жалпақ есік жақтауы және төмен клиренс алды, ал интерьерде үлкен экрандар, жылтыр панельдер, екінші қатардағы жолаушыға арналған үстел және кресло бар.

RF8 заманауи қауіпсіздік жүйелерін ұсынады. Минивэн автоматты шұғыл тежеу, жолақта ұстау, көрінбейтін аймақты бақылау және бетпе-бет соққы жөнінде ескерту функциясымен жабдықталған. Салонында әр қатарда бүйірлік қауіпсіздік жастығы бар.

Алдыңғы жетекті автомобиль 253 ат күші мен 400 Нм момент беретін 2 литрлік бензинді турбомотормен жүреді. Агрегат 8 сатылы автоматпен жұптаса жұмыс істейді. Минивэн жаңа MUSE платформасына негізделген.

1 / 10

• 
• 
• 
• 
• 
• 
• 
• 
• 
• 

1 / 10

Техникалық сипаттамасы мен комплектациясы туралы қосымша ақпаратты Kolesa.kz-тегі «Жаңа көліктер» бөлімінен көре аласыз.