JAC компаниясының Қазақстандағы өкілі маркаға тиесілі модельдер қатарын арттыруда. J7-ден кейін өз отанында Х7 атауымен танымал S7 кроссоверінің бағасы белгілі болды. Бұл автокөлік Қостанайда құрастырылады.
Сатып алушылар ақ, қара сұр, қоңыр және қара түсті көліктер арасынан таңдау жасай алады. Одан бөлек, машина Luxury және Prestige жиынтығында қолжетімді. Темір тұлпарға тек 175 ат күшіне ие 1.5 литрлік турбо агрегат орнатылады. 251 Нм айналу моменті алдыңғы дөңгелектерге 6 сатылы робот арқылы беріледі.
Анағұрлым қарапайым Luxury 9.5 млн теңге тұрады. Бұл ақшаға 2 аймақты климат-бақылау, жарықдиодты оптика, былғарымен қапталған салон, 12.3 дюймдік экраны бар және Apple CarPlay, Android Auto жүйелерімен жұмыс істейтін мультимедиа кешені мен бірнеше көмекші ұсынылады.
Prestige нұсқасын алу үшін 10.3 млн теңге жұмсайсыз. Оның иесі үшін он динамигі бар аудиожүйе, 12.3 дюймдік цифрлы аспаптар панелі, бүйірлік қауіпсіздік жастықтары, жүксалғыш есігінің электрлі жетегі, жылытқышы бар орындықтар, сонымен қатар массаж, кілтсіз ашу сынды бірқатар функциялар қолжетімді болады.
Комментариев: 0