Бес есікті Force Gurkha шықты

Екінші буын «гуркханың» дебютінен үш жыл өткен соң, жергілікті нарыққа кеңірек бес есікті модификациясы шығады. Дөңгелек базасы 42 сантиметрге артты. Көліктің бамперден бамперге дейінгі арасы — 4.39 метр.

Рамалы шассиге негізделген жол талғамайтын арзан көліктің сырт келбеті G-Class-қа ұқсайды. Жүргізуші жағынан шноркель, шатырына жүксалғыш орнатылған. Клиренсі — 233 мм, 18 дюймдік діскілері жол талғамайтын шинамен қапталған.

1 / 6

• 
• 
• 
• 
• 
• 

1 / 6

Mercedes-тің 2.6 литрлік 4 цилиндрлі ескі турбодизелінің қуаты артып, 138 ат күшін және 320 Нм моментті 5 сатылы механикалық қорап пен алдыңғы және артқы дифференциалды бұғаттағышпен төрт дөңгелекке бірдей береді.

1 / 5

• 
• 
• 
• 
• 

1 / 5

Автоөндіруші қолға жағымды материалмен әрленген үш қатарлы орындықтары бар салоны жеті адамға (2 — 3 — 2) арналған деп сендірді. Салоны цифрлы аспаптар панелімен, Android Auto және Apple CarPlay-мен үйлесімді мультимедианың 7-ден 9 дюймге ұлғайған сенсорлы экранымен жабдықталды. Жабдықтар тізімінде екі алдыңғы қауіпсіздік жастығы, ABS және артқы көрініс камерасы бар.

Force Gurkha-ның бағасы әлі жарияланбады. Бейресми деректерге сәйкес құны 16.10–16.60 лакх (8.51–8.77 млн теңге) аралығында болады. Жыл аяғына дейін Jeep Wrangler-ді еске түсіретін 5 есікті Mahindra Thar Armada шығады.