Бұған дейін сенаторлар үкімет басшысына көлік салығын төмендету туралы ұсыныс жасаған. О.Бектенов депутаттық сауалға берген жауабында жаңа тариф белгілеу жұмысы жүріп жатқанын, салық кодексіне тиісті өзгеріс енетінін айтты.
Премьер-министр ескі автомобильге төмендеу коэффициент белгілеу жоспарланып отырғанын айтты:
- Шыққанына 10–20 жыл болған машинаға — 0.7;
- Шыққанына 20 жылдан асқан машинаға — 0.5.
Яғни, 20 жастан асқан автомобильге көлік салығы екі есеге жуық азаяды.
Үкімет машинаның құны мен қызмет ету мерзімін ескере отырып, салық мөлшерін әділетті түрде белгілеуге ниетті.
Бұған дейін Қаржы вице-министрі Ержан Біржанов билік ескі көлікке салынатын салықты азайтуды жоспарлап отырғанын айтқан. Бірақ шенді бұл жоспар қалай жүзеге асатынын түсіндірген жоқ.
Енді жаңа ақпарат шығып, кодекске өзгеріс енгенін күтеміз.
Комментариев: 0