Tesla 2025 жылы Model 2 шығарады

Бәсекелестердің, әсіресе Қытайдың қысымынан Илон Маск 2020 жылдан бері барлығыі күтіп жүрген, құны 25 000 доллар болатын бюджеттік электромобильді есіне түсірді. Жақында инвесторлармен өткен конференцияда кәсіпкер Redwood кодтық атауымен танымал жаңа өнім 2025 жылы шығатынын айтты.

Қытайдағы БАҚ-та ең кішкентай Tesla саудаға шыға салысымен жаһандық модель болып, Мексика, Берлин және Шанхайдағы зауыттарда шығатыны туралы ақпарат тарады. Электромобильдің құны басында шамамен 25 000 доллар болады және өндіріс процесі арзандаған сайын одан әрі төмендейді.

Model 2-нің сырт пішіні қандай болатынын Tesla-ның Берлиндегі гигафабрикасының ауласында шпиондық дронға түсіп қалған алдыңғы дөңгелектері жоқ жұмбақ прототиптен білуге болады. Кішігірім кросс-фастбекке ұқсайды.

Жаңа өнім Model 3-тен шамамен 15 %-ға қысқа және 30 %-ға жеңіл болады деп күтілуде. Model 2 жаңа, қауіпсіз және арзанырақ батареямен жабдықталады, бірақ сыйымдылығы Model 3-тен төмен болады.