Ioniq 6-ның қуатты N нұсқасы шығады

Ұлыбританияның Гудвуд қаласындағы Жылдамдық фестивалі аясында Hyundai жаңа спорткарын көрсетті. 2022 жылы шыққан Ioniq 6 седаны енді N деп аталатын қуатты модификацияға ие болды. Ол Ioniq 5 N-дегі күштік құрылымды алады және динамикасы жақсарды. Еуропада күзде сатыла бастайды.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Ioniq 6 N екі электромотормен жабдықталған, біріншісі 226, екіншісі 383 ат күшін береді. Жалпы қуаты 609 ат күшіне тең, бірақ N Grin Boost функциясы іске қосылғанда қуаты 10 секунд бойы 650 ат күшіне және 770 Нм моментке дейін артады. Бұл режимде, лаунч-бақылау қосулы күйде Ioniq 6 N алғашқы жүздікті 3.2 секундта еңсереді. Осылайша бір платформадағы кроссоверден 0.2 секундқа жылдамырақ. Мұндай нәтижеге жетуге жаңа 20 дюймдік жеңіл дискілер де көмектесті. Электрокардың максимал жылдамдығы — 257 км/сағ.

Жаңа өнім де Ioniq 5 N-дегідей 84 киловаттық батарея алады, бірақ жүріс қоры белгісіз. Есесіне аккумуляторды алдын ала қыздыруға мүмкіндік беретін жылу реттеу жүйесі бар. Бұл жарыс трассасына шығар алдында пайдалы. 350 кВт қуаттау станциясында батареяны 10-нан 80 %-ға дейін қуаттауға шамамен 18 минут кетеді.

1 / 11

• 
• 
• 
• 
• 
• 
• 
• 
• 
• 
• 

1 / 11

Шассиі жаңарып, жаңа дөңгелектерден бөлек, жүріс сезгегі бар бейімді амортизаторлармен жабдықталды, бұрылыста тұрақты болу үшін аспа геометриясы жаңарды, клиренсі төмендеді.

Ioniq 6 N-нің жүріс электроникасы ерекше режимдер ұсынады. Мысалы, N Drift Optimizer бүйірімен сырғанау үшін тарту күшін реттейді, N e-Shift функциясы сегіз сатылы беріліс ауысуын имитациялай алады, үш түрлі режимі бар N Active Sound+ электрокардың күйіне сай дыбыс шығарып тұрады.

Сыртқы келбеті басқа бамперлері бар аэродинамикалық бастырық, кең дөңгелек аркалары мен үлкен антиқанат және Hyundai N-ге тән қызыл акценттерімен ерекшеленеді. Салонында спорттық орындықтар мен рөл пайда болды, мультимедиа жүйесінің интерфейсі сұсты стильде жасалған.

Алдын ала мәлімет бойынша базалық Ioniq 6 N-ның құны Еуропада 75–80 мың еуродан (45.4–48.5 млн теңге) басталады.