Infiniti FX кросс-купесі қайта оралады

Бренд QX65 Monograph концептісін ресми таныстырды. Жоба авторларына аты шулы Infiniti FX шабыт беріпті. Ал платформасын QX60-тан алатын шығар. Компания QX65 Monograph-тың сериялық түрін алдағы айларда көрсетуге уәде етті.

Infiniti QX65 Monograph — бренд топтамасындағы бет-әлпеті спорткарға көбірек ұқсайтын кроссовер. Ол үшін мамандар шатырына фастбэк стиліндегі сызық салған, бірақ концепт айқын көрінетін дөңгелек аркасымен және агрессивті бамперімен ерекшеленеді.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Дизайнерлер кросс-купеге арнап радиатор торының жаңа нұсқасы мен 22 дюймік дөңгелек дискісін жасады. Бұл элементтер қиылысатын түзу сызықтардан құралған әрі өзара әдемі үйлеседі. Одан бөлек, марка Tweilight деп аталатын шанақ түсін әзірледі. Ол бастапқыда қызыл-күлгін сияқты көрінгенмен, жарық көзі ауысса алтын түстес реңк береді. Концепт «матрицалық» жарық техникасын алды.

Infiniti дәстүрінен жаңылмай, кросс-купені концептіге ұқсатып жасайды деген болжам бар. Тек конвейерге тұратын QX65-тің радиатор торы тым оғаш көрінбейді, бампері мен оптикасы да әлдеқайда қарапайым болады. Шын мәнінде ол Infiniti QX60-тың салоны екі қатарлы, 9 диапазонды автомат және толық жетек жүйесімен жұмыс істейтін 2 литрлік моторы (270 а.к.) бар түрленімі атанатын сияқты.