Infiniti QX60 кроссовері V6 мотормен жүрмейді

Infiniti 2025 жылғы модельдік топтың өкілі ретінде шығатын QX60-ты таныстырды. Модельдің мотор гаммасы айтарлықтай өзгерді. QX60 енді 3.5 литрлік V6-мен жүрмейді, оның орнын 2 литрлік төрт цилиндрлі мотор басты, соның арқасында машина үнемді болады. Сондай-ақ кроссовердің технологиясы жақсарып, қара түсті арнайы нұсқасы пайда болды.

Бұрынғы 6 цилиндрлі қозғалтқыш 299 ат күші мен 366 Нм беретін. Екі цилиндрі аз жаңа мотор 272 ат күші мен 388 Нм береді. Мұндай мотор бұған дейін QX50 және QX55 моделіне қойылған. QX60-тың 4 цилиндрлі қозғалтқышпен жүретін нұсқасы бұрын Қытайда ғана сатылған, енді әлемдік нарыққа шықты.

1 / 7

• 
• 
• 
• 
• 
• 
• 

1 / 7

Мотор 9 сатылы автомат қораппен жұмыс істейді, алдыңғы және толық жетектің бірін таңдауға болады. Infiniqi QX60 аралас циклде 9.8 литр жанармай тұтынады, ал 6 цилиндрлі қозғалтқышы бар нұсқасы 10.2-10.8 литр отын тұтынатын.

Модельдің базалық жабдықтар тізімінде 12.3 дюймдік дисплейі бар медиажүйе болады әрі электронды көмекшілер жинағы артады. Black Edition нұсқасы жарық көрді, оның рейлингі мен 20 дюймдік дөңгелек дискісі қара түсті болады.

1 / 6

• 
• 
• 
• 
• 
• 

1 / 6

Жаңарғаннан кейін АҚШ нарығында Infiniti QX60-тың ең төменгі бағасы 49 650 доллардан 50 200 долларға (23.8 млн теңге) өсті. Ал Black Edition пакеті үшін қосымша 1.9 мың доллар төлеуге тура келеді.