Әлеуметтік желіде кадрларынан қисайып қалған автобус аялдамасы көрінетін бейнежазба пайда болды. Оның маңында тәртіп сақшылары жүр, ал одан бірнеше метрдегі жырада Infiniti FX тұр. Шамасы кроссовер аялдамаға соғылып, жолдан шығып кеткенге ұқсайды.
Полиция қызметкерлері хабарлағандай, бейнежазбадағы жол апаты Талдықорғанға кірер тұста болыпты. Апат салдарынан екі адам қаза тауып, тағы бір адам зардап шеккен. Түрлі жарақаттар алған 14 жасар қыз бала ауруханаға жеткізілді. Оқиғаның себебі айтылмайды. Жол-көлік оқиғасы дерегі бойынша сотқа дейінгі тергеу жұмыстары жүргізіліп жатыр.
Комментариев: 0