Жаңа Hyundai Tucson-ның алғашқы суреттері

Hyundai бесінші буындағы Tucson-ның алғашқы ресми суреттерін жариялады. Автомобильдің сырт келбеті өзгеріп, футуристік әрі қырлы дизайн алды. Жіңішке жарықдиодты жолақтар алдыңғы және артқы бөлігін бойлай орналасқан. Жаңа өнім былтыр күзде жарық көрген жол талғамайтын Crater концептісіне ұқсайды.

1 / 4

• 
• 
• 
• 

1 / 4

Дизайнерлер салонын жаңа Avante-ге (Elantra) ұқсас стильде жасаған. Екі модельде жіңішке цифрлық аспаптар панелі және 14.6 дюймдік мультимедиа экраны тұр. Оның астындағы климат-бақылау жүйесін физикалық батырмалармен басқаруға болады. Ортаңғы консольде смартфон қуаттауға арналған екі орын бар. Tucson мен Avante-нің рөлдері бірдей.

1 / 4

• 
• 
• 
• 

1 / 4

Компания машинаның техникалық сипаттамасы, өлшемдері, комплектациясы мен моторлары туралы ресми ақпарат бермеді. Дегенмен инсайдерлердің бұған дейінгі мәліметіне сүйенсек модельде дизельді агрегат болмайды. Кроссовер тек бензинді іштен жанатын қозғалтқышқа негізделген гибрид күштік құрылыммен жабдықталады. Қуатталатын гибридтердің жүріс қоры ұлғаяды.

Көліктің тұсаукесері биыл III тоқсанда өтуі мүмкін. Уақыт өте келе Tucson-ның бесінші буыны Қазақстанға да келеді. Елімізде бұл кроссовер брендтің бестселлері. Қазір жеңілдіктерді есептемегенде 13.5-18 млн теңге тұрады.

Қазақстандағы автосалондарда сатылып жатқан Hyundai Tucson-ның суреттерін Kolesa.kz-тегі «Жаңа көліктер» бөлімінен таба аласыз. Сайтта барлық нұсқаның сипаттамасы, комплектациясы және бағасы толық жазылған.