Hyundai Custin Қазақстанда қанша тұрады

Сәуірдің басында Hyundai Қазақстанда 7 орынды Hyundai Custin минивэнін құрастыратынын жазған едік, Қытай нарығына арналған модель бұған дейін Custo деген атпен танылған. Енді жаңа өнімнің бағасы белгілі болды.

5 метрлік Custin 170 ат күшіне ие (253 Нм) 1.5 литрлік турбомотормен жүреді, агрегат айналу моментін 8 сатылы автомат арқылы алдыңғы дөңгелектерге береді.

1 / 5

• 
• 
• 
• 
• 

1 / 5

Машинаның екі комплектациясы бар. Арзандау Travel нұсқасы 15.5 млн теңге тұрады. Оның жабдықтар тізімінде алдыңғы және бүйірлік қауіпсіздік жастығы, электронды көмекшілер жинағы, парктроник, артқы көрініс камерасы, круиз-бақылау, климат-бақылау, жылытуға және желдетуге болатын алдыңғы кресло, аспаптар панелінің 4.2 дюймдік экраны, медиажүйенің 10.2 дюймдік дисплейі, кілтсіз ашу жүйесі және т.б. бар. Сustin-нің рөлі қолмен реттеледі, жүргізуші орындығынің электр жетегі бар, салон жасанды былғарымен қапталған. Машина 17 дюймдік дөңгелек дискісімен жабдықталған.

1 / 5

• 
• 
• 
• 
• 

1 / 5

Ал Luxe комплектациясы 16.7 млн теңге тұрады. Ол көрінбейтін аймақты бақылау жүйесі және айнала шолу камерасымен ерекшеленеді. Сондай-ақ, артқы есікте перде бар. Артқы орындықтарды да жылытуға және желдетуге болады. Жүргізуші мен екінші қатардағы жолаушылар креслосының, жүксалғыш қақпағы мен бүйірлік жылжымалы есіктердің электр жетегі бар. Мұндай Custin 18 дюймдік дөңгелек дискісімен жүреді.