Hyundai арзан электрокроссоверін таныстырды

Компания шағын Inster кроссоверін көрсетті. Негізі, бұл Casper-дің электрлі нұсқасы, бірақ компания күштік құрылымын өзгертумен ғана шектелмейді. Inster жаһандық модельге айналып, кәріс брендінің ең арзан электрокары болуы мүмкін.

1 / 6

• 
• 
• 
• 
• 
• 

1 / 6

Inster-дің Casper-ден айырмашылығы — бамперлері мен радиатор торы, жарық техникасы және 17 дюймдік жаңа дискілер. Inster үлкенірек. Өлшемдері — 3825×1610×1575 мм және дөңгелек базасы — 2580 мм. Кроссовердің ұзындығы 230 мм артып, ось арасындағы қашықтық 180 мм-ге өсті. Суреттерде екінші қатардағы жолаушылар орны кеңейіп, көлемі 280 литр жүксалғышы үлкейгені көрсетілген.

1 / 5

• 
• 
• 
• 
• 

1 / 5

Интерьер архитектурасы «касперден» алынғанмен, екі 10.25 дюймдік дисплеймен жабдықталған. Жабдықтар тізіміне сымсыз қуаттау, люк, 64 реңкті атмосфералық жарық және жүргізуші көмекшілерінің ауқымды жинағы кіреді.

Inster екі түрлі күштік құрылыммен жүреді және тек алдыңғы жетекті нұсқасы шығады. Базалық көлік 97 ат күшін беретін мотордың және 42 киловаттық батареяның арқасында 300 шақырымды еркін еңсередіды еңсереді. Қымбатырақ кроссоверге 115 ат күші бар қозғалтқыш, сыйымдылығы 49 кВт⋅сағ батарея орнатылады. Оның жүріс қоры 355 шақырымға дейін ұлғаяды. Машинаның бәсекелестері аз болғанына қарамастан, бұл осы кластағы ең жақсы көрсеткіш. Батареясы 30 минутта 10-нан 80 %-ға дейін қуат алады. Көлікте электр қуатын сыртқа беру мүмкіндігі бар, оған туристік жабдықтарды немесе электросамокатты қосуға болады.

1 / 8

• 
• 
• 
• 
• 
• 
• 
• 

1 / 8

Жазда Оңтүстік Кореяда сатыла бастайды. Hyundai Inster кейін Еуропаға, Таяу Шығысқа және Оңтүстік-Шығыс Азияға барады, бірақ мерзімі әлі белгісіз. Компания болашақта жолсызға арналған кішігірім модификациясын топтамаға қосуды жоспарлап отыр.