2020 жылдың басында нарыққа шыққан Hyundai Accent/Solaris енді Қазақстанға да жетті. Түрленген седан жаңа бамперге, жарықдиодты оптика мен торлы радиатор торына ие болды. Капот астына бұрынғы 100 аттың күшін беретін 1.4 литрлік және 123 ат күшіне ие 1.6 литрлік моторлар қойылады. Шассиінде де еш өзгеріс жоқ.
Hyundai Accent-тің ішінде Apple CarPlay мен Android Auto жүйелерімен жұмыс істейтін және «Яндекс.Навигатор» қосымшасы бар медиажүйенің өзгеше экраны көзге түседі. Одан бөлек, компания мамандары дыбыс оқшаулау жүйесінің жақсартылғанын айтады.
Бағасына келсек, 1.4 литрлік қозғалтқышы мен механикалық қорабы бар Active жиынтығындағы базалық седан 5.3 млн теңгеге бағаланып отыр. 1.6 литрлік мотор орнатылған автокөліктің (Comfort) бағасы 6.4 млн теңгеден басталады. Ал ең қымбат Accent (Elegance) 6.8 млн теңге тұрады.
123 аттың күшіне ие қозғалтқышы бар автокөліктердің қазіргі уақытта тек автоматты қораппен ұсынылатынын айта кеткен жөн.
Комментариев: 0